सांसद अमरेशकुमार सिंहको ठहर : कमजोरलाई निर्वस्त्र गर्ने सत्ता लामो समय टिक्दैन
नेपाली कांग्रेसका सांसद अमरेशकुमार सिंहले कमजोरलाई निर्वस्त्र पार्ने सत्ता लामो समयसम्म नटिक्ने भन्दै अहिलेको सरकार पनि लामो समय नटिक्ने दाबी गरेका छन् ।
सोमबार संसदमा उनले भने, ‘आर्मीको तीनवटा फोटो भाइरल भएको छ । एउटा, महारानीका छोराछोरीसमेत छिन्नमस्तामा जाँदाखेरि चप्पल बोकेको । दोस्रो, कोभिड– १९ को महामारीका वेला संसदमै रातो कार्पेट बिच्छ्याएको फोटो । तेस्रो, आज नयाँ पत्रिकामा छ जो श्रीमती बचाउन ब्लड लिन जान्छ त्यसलाई नंग्याइएको छ, घनश्याम झा कमजोर समुदायको प्रतीक थियो । जबजब कमजोरलाई निर्वस्त्र गरिन्छ त्यो सत्ता टिक्दैन । बुझौँ ।’
अहिलेको सत्ताको दिन धेरै लामो समय नजाने सिंहले बताए ।
अहिले सरकारले जनतालाई लकडाउन गरेको, तर लकडाउन सकिएपछि जनताले सरकारको लकडाउन गर्ने उनको भनाइ थियो ।