साेमबार बिहान थप नौजनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या तीन सय चार पुगेको छ । आज बिहान थपिएका नयाँ संक्रमित रौतहट तथा बारा जिल्लाका रहेको स्वास्थ्य तथा जनसंख्या मन्त्रालयले जनाएको छ ।
मन्त्रालयका सहप्रवक्ता डा. समीरकुमार अधिकारीका अनुसार नयाँ थपिएका २१ देखि ३० वर्षका आठजना पुरुष र एकजना महिला छन् । उनीहरूको स्वास्थ्य अवस्था सामान्य छ भने संक्रमित चिकित्सकको निगरानीमा छन् ।
थपिएका नयाँ संक्रमितहरू रौतहटको इशनाथ नगरपालिका वडा नम्बर २, ३, ६ र ९ निवासी २१ देखि ३० वर्षका पुरुष र रौतहट माधवनारायण नगरपालिका–३ निवासी २८ वर्षीया महिला तथा बारा करैयामाई–५ निवासी ३८ वर्षीय पुरुष रहेको मन्त्रालयले जारी गरेकाे विज्ञप्तिमा उल्लेख छ।