लकडाउनका वेला उत्पन्न भएको सुनसान अवस्थाको मौका छाेपेर किशोरीलाई बलात्कार गरी फरार रहेकाे आराेपमा एक युवालाई प्रहरीले पक्राउ गरेको छ ।
ती युवाले बिहीबार दिउँसो विराटनगर– ४ इक्राहीस्थित मकैबारीमा स्थानीय १७ वर्षीया किशोरीलाई मुख थुनेर अपहरण गरेकाे आराेप छ । उनले अपहरण गरेर किशोरीलाई मकैबारीमा लगी बलात्कार गरेर फरार भएकाे प्रहरीले जनाएकाे छ ।
पक्राउ पर्नेमा विराटनगर– ५ का २४ वर्षीय वीरेन गडेरी पाल रहेको प्रहरीले जनाएको छ ।
प्रहरीले पाललाई शुक्रबार विराटनगर क्षेत्रबाट पक्राउ गरेको जनाएको छ ।
प्रहरीले आरोपी पालविरुद्ध जिल्ला अदालत मोरङमा जबर्जस्ती करणी आरोपमा मुद्दा दर्ता गरेको छ ।