आगामी आर्थिक वर्ष ०७७/७८ को नीति तथा कार्यक्रम संघीय संसदमा पेस गर्दै राष्ट्रपति विद्यादेवी भण्डारीले सरकार गठन भएको दुई वर्षमा उत्साहजनक सफलता मिलेको दाबी गरेकी छिन् ।
भण्डारीले सरकार गठनपछि पूर्णत स्थायित्व आउनुको साथै सुशासन प्रवर्द्धनको साथै विकासले गति समातेकोसमेत दाबी गरेकी छिन् ।
उनले स्थानीय तह, प्रदेशका संरचनाहरू खडा गरेर क्रियाशील भएको साथै वित्तीय हस्तान्तरणको कार्यसमेत सफल भएको बताइन् ।
साथै उनले नेपाललाई सरकारको यही कार्यकाल विकासशील राष्ट्रमा स्तरोन्नति गरिने बताइन् ।
दीर्घकालीन योजनाअनुसार समुन्नत राष्ट्रको स्तरमा पुऱ्याउने गरी आर्थिक र सामाजिक योजना तथा कार्यक्रम अघि बढाइएको उनले बताइन् ।
संसदमा नीति तथा कार्यक्रम पेस गर्ने क्रममा भण्डारीको सम्बोधन जारी रहेको छ ।