शताब्दीपुरुष संस्कृतिविद् सत्यमोहन जोशी एक सय एक वर्षमा प्रवेश गरेका छन् ।
वि.सं. ३० वैशाख १९७७ सालमा ललितपुरको बखुम्बहालमा जन्मेका जोशी मंगलबार आज एक सय एक वर्षमा प्रवेश गरेका हुन् ।
जोशीले नेपाली कला, संस्कृति र साहित्यमा महत्वपूर्ण योगदान दिएका छन् ।
जोशीको जन्मदिनका अवसरमा विभिन्न व्यक्ति, समुदायले शुभकामना दिएका छन् ।
लकडाउनका कारण जन्मदिन मनाउन कुनै औपचारिक कार्यक्रम आयोजना नगरिए पनि उनको परिवारले घरमै पूजा गरी जन्मदिन मनाएका छन् ।
गत वर्ष जोशी सय वर्ष पुगेको अवसरमा ललितपुर महानगरपालिकाले महानगरपालिकाभर सार्वजनिक बिदा दिई विभिन्न कार्यक्रम गरी जन्मशताब्दी मनाएको थियो ।
जोशीले यसपटक आफूलाई शुभकामना दिनेहरूलाई धन्यवाद दिँदै अझै पनि केही असल काम गरेर जीवन बिताउन पाऊँ भन्दै प्रार्थना गरेको बताए ।