डिम्याट र मेरो सेयरको नवीकरण अनलाइनबाटै
सरकारले लकडाउन जारी गरेको समयमा एनआइसी एसिया क्यापिटल तथा एनआइसी एसिया बैंकमार्फत हितग्राही खाता खोली कारोबार गरिरहेका ग्राहकको खाता अनलाइनबाटै नवीकरण हुने भएको छ । क्यापिटलले इसेवा, खल्ती तथा कनेक्ट आइपिएसमार्फत भुक्तानी लिई नवीकरण गर्ने व्यवस्था गरेको हो ।
त्यस्तै, एनआइसी एसिया बैंक लिमिटेडको अनलाइन बैंकिङ तथा मोबाइल बैंकिङ सेवा प्रयोगकर्ताले पनि अनलाइनबाटै नवीकरण गर्न सक्ने बैंकले जनाएको छ । खातावालाले नवीकरण शुल्क भुक्तानी गर्दा आफ्नो हितग्राही खाता नम्बर अनिवार्य रूपमा उल्लेख गर्नुपर्ने जनाइएको छ ।
अनलाइनमार्फत नवीकरण शुल्क प्राप्त हुनासाथ सम्बन्धित ग्राहकको हितग्राही खाता तथा मेरो सेयरको नवीकरण तुरुन्त गरिने व्यवस्था मिलाइएको क्यापिटलले जनाएको छ । खातावालाहरूले उक्त नवीकरण शुल्क घरबाटै भुक्तानी गर्न क्यापिटलले अनुरोध गरेको छ ।