अमेरिकी उपराष्ट्रपति माइक पेन्सका मुख्य सहयोगी कोरोना भाइरसबाट संक्रमित भएकी छिन् ।
पेन्सका प्रेस सचिव केटी मिलर कोरोना भाइरसबाट संक्रमित भएकी हुन् ।
ह्वाइटहाउसकै कर्मचारीमा कोरोना भाइरसको संक्रमण देखिएपछि राष्ट्रपति डाेनाल्ड ट्रम्प र उपराष्ट्रपति पेन्सको दैनिक कोरोना परीक्षण गरिँदै छ ।
यसअघि बिहीबार राष्ट्रपति ट्रम्पका व्यक्तिगत सहयोगीलाई पनि कोरोना भाइरसको संक्रमण सकारात्मक पाइएको थियो ।
राष्ट्रपति ट्रम्पका लागि कपडा मिलाइदिने सहयोगीका रूपमा काम गर्ने अमेरिकी नौसैनिकका एक सदस्यलाई कोरोना संक्रमण पाइएको थियो ।
अमेरिकामा अहिलेसम्म ७६ हजारभन्दा बढीको कोरोना भाइरस संक्रमणका कारण मृत्यु भइसकेको छ ।
केही अमेरिकी राज्यहरू भने पुनः सञ्चालनमा आउने तयारीमा रहेका छन् ।
यसैबीच लोवा भ्रमणमा गइरहेका उपराष्ट्रपति पेन्सको विमानबाट ६ जना उनका सहयोगीलाई फिर्ता पठाइएको छ ।
अमेरिकी मिडिया रिपोर्टका अनुसार ती ६ सहयोगीहरू संक्रमण देखिएका सहयोगी मिलरको सम्पर्कमा आएका थिए ।
उपराष्ट्रपति पेन्सकी सहयोगी मिलर राष्ट्रपति ट्रम्पका सहयोगी स्टेफन मिलरकी पत्नी हुन् ।
(एजेन्सी)