Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ श्रावण १९ सोमबार
  • Monday, 03 August, 2020
नयाँ पत्रिका काठमाडौं
२०७७ बैशाख ३ बुधबार १४:५१:००
समाचार

काठमाडौं जिल्ला प्रशासन कार्यालयद्वारा सवारी पास वितरण स्थगित

नयाँ पत्रिका काठमाडौं
२०७७ बैशाख ३ बुधबार १४:५१:००

जिल्ला प्रशासन कार्यालय, काठमाडौंले बुधबारदेखि मृत्यु संस्कारमा सहभागी हुन मात्र सवारी पास उपलब्ध गराउने भएको छ । कार्यालयले सवारी पासको अत्याधिक माग भएको र यसले भीडभाड हुन गई लकडाउन उलङघन हुने खतरा बढेपछि सूचना जारी गरी आफ्नो परिवारको सदस्यको मृत्यु संस्कारमा सहभागी हुने बाहेक सवारी पास नदिने बताएको हो ।

प्रशासनले लकडाउनमा अत्यावश्यकीय सवारी साधन सञ्चालनका लागि पास वितरण गर्दै आएको थियो ।

गृह मन्त्रालयले मंगलबारदेखि अनलाइनमार्फत ई–पास लिन सक्ने व्यवस्था गरेपछि अत्याधिक माग बढेको र यसले लकडाउनको उलङघन हुनसक्ने भन्दै मृत्यु संस्कारमा सहभागि हुन बाहेकका लागि पास वितरण नगर्ने निर्णय गरेको हो ।

सहायक प्रमुख जिल्ला अधिकारी कृष्ण बहादुर कटवालले जिल्ला प्रशासन कार्यालय काठमाडौंले जारी गरेका पास हालका लागि बन्द गरिएको बताए । उनले जिल्ला प्रशासन कार्यालय मार्फत गृहमन्त्रालयबाट जारीहुने ई -पास समेत अति आवश्यक बहेकलाई नदिने स्पष्ट पारे ।