प्रदेश

जनकपुरमा तरूण दलकाे सरकार विरुद्ध विरोध प्रदर्शन 

सरकारले जनताकाे भावना विपरित कार्य गरिरहेको भन्दै नेपाल तरुण दलले जनकपुरमा विरोध जुलुस प्रदर्शन गरेको छ । नेपाली काँग्रेसका भातृ संगठन नेपाल तरुण दलले सात प्रदेशमा सरकार विरुद्ध घोषणा गरेको आन्दोलनका कार्यक्रम अन्तर्गत बुधवार प्रदेश २ का अस्थायी राजधानी जनकपुरमा विरोध जुलुस प्रदेर्शन गरिएको हो ।

कांग्रेसकाे धनुषा पार्टी कार्यालयबाट निकालिएको जुलुस बजारको परिक्रमण गर्दै भानु चोकमा कोणसभामा परिणत भएको थियो । कोणसभालाई सम्बोधन गर्दै तरुण दलका अध्यक्ष जीतजंग बस्नेतले दुई तिहाईका सरकार भएपनि जनताले सरकारको अनुभुति गर्न नपाईरहेको बताए ।