Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ श्रावण २७ मंगलबार
  • Tuesday, 11 August, 2020
रमेश रावल वीरेन्द्रनगर
२०७६ चैत २७ बिहीबार १८:४३:००
समाचार

वीरेन्द्रनगरका जनप्रतिनिधिले एक महिनाको घर बहाल उठाउन नपाउने

रमेश रावल, वीरेन्द्रनगर
२०७६ चैत २७ बिहीबार १८:४३:००

सुर्खेतको वीरेन्द्रनगर नगरपालिकामा घर भएका सबै जनप्रतिनिधिले चैत महिनाको घरभाडा नलिने निर्णय गरेका छन् ।

नगर कार्यपालिकाको बैठकले जनप्रतिनिधिहरूले घरभाडा लिन नपाउने निर्णय गरेसँगै आफ्नो घर बहालमा दिएका सबै जनप्रतिनिधिले चैतको घरभाडा नलिने निर्णय गरेको नगरपालिकाले जनाएको छ ।

बैठकले नगर क्षेत्रभित्र घर बहालमा दिने अन्य घरधनीलाई समेत एक महिनाको भाडा मिनाहा गरिदिन आग्रह गर्ने निर्णय गरेको नगरपालिकाकी उपप्रमुख मोहनमाया ढकालले बताइन् । ‘वीरेन्द्रनगर नगरपालिकाका सबै घरधनीलाई घरभाडा छुट दिन आग्रह गरिएको छ,’ उनले भनिन्, ‘जनप्रतिनिधिहरूले झनै लिन पाउने कुरै भएन ।’

वीरेन्द्रनगर नगरपालिकाले नगरबाहिरबाट आएका नागरिक र विद्यार्थीलाई पनि राहत बाँड्ने निर्णय गरेको छ । नगरका गौरवका आयोजनाबाट ८० लाख रुपैयाँ काटेर नगरमा ज्याला मजदुरी गर्ने र विद्यार्थीलाई अत्यावश्यकीय राहत उपलब्ध गराउने उनले बताइन् ।