कोरोनाविरुद्ध लड्न लुम्बिनी इँटा उद्योग व्यवसायी संघको सहयोग
लुम्बिनी इँटा उद्योग व्यवसायी संघ रुपन्देहीले जिल्लाका स्थानीय तहहरूले कोरोना भाइरसको संक्रमण रोकथाम तथा नियन्त्रणका लागि स्थापना गरेका विपद् प्रकोप व्यवस्थापन कोषमा ५ लाख रुपैयाँभन्दा बढी सहयोग गरेको छ । संघले नगद र चेकमार्फत तथा खाद्यान्न सामग्री गरी ५ लाख ४९ हजार २ सय २२ रुपैयाँ सहयोग गरेको संघका महासचिव अजय गुप्ताले बताए ।
संघले प्रदेश–५ सरकारद्वारा स्थापना गरिएको कोरोना भाइरस नियन्त्रण तथा उपचार कोषमा १ लाख ११ हजार १ सय ११ रुपैयाँ सहयोग गरेको छ । त्यस्तै, संघले रुपन्देहीको तिलोत्तमा नगरपालिकामा ५१ हजार, मायादेवी गाउँपालिकामा ८५ हजार, रोहिणीमा ८१ हजार, ओमसतियामा ७५ हजार, कोटहीमाईमा ३५ हजार, सियारी र शुद्धोधनमा ३०–३० हजार सहयोग गरेको संघका अध्यक्ष थानेश्वर घिमिरेले जानकारी दिए ।
त्यस्तै, संघले जिल्ला विपद् व्यवस्थापन समिति रुपन्देहीलाई ५१ हजार १ सय ११ रुपैयाँबराबरको खाद्यान्न सामग्री सहयोग गरेको छ ।