- वि.सं २०८१ बैशाख ७ शुक्रबार
पूर्वपश्चिम राजमार्ग अन्तर्गत बाराको पथलैया–निजगढ सडकखण्डमा सवारी दुर्घटनामा परी एक जनाको मृत्यु भएको छ । दुर्घटनामा एक घाइते भएका छन् ।
झापाबाट कोइला बोकेर आउँदै गरेको ना८ख १३३८ नम्बरको ट्याक्टरको ट्रलीले ईरिक्सालाई ठक्कर दिँदा कोल्हबी नगरपालिका ८ काटगाँउका दिपक चौधरीको मृत्यु भएको हो ।
ठक्करबाट सोही ठाउँका रिक्सा चालक गणेश चौधरी घाइते भएका छन् । उनको सिमरास्थित अल्पाईन अस्पतालबाट थप उपचार वीरगन्ज लगिएको ईलाका प्रहरी कार्यालय निजगढका बिक्रम लामाले जानकारी दिए ।
ट्रलीको ठक्करबाट घाइते दिपकलाई उपचारका लागि अल्पाईन अस्पताल ल्याउने क्रममा मृत्यु भएको हो । मृतकको शव अस्पतालमै राखिएको र परिवारलाई खबर गरिएको प्रहरी निरीक्षक लामाले जानकारी दिए ।
