समाचार
प्रहरी हिरासतबाट तीनजना थुनुवा फरार
Read Time : < 1 मिनेट
२०७६ चैत २० बिहीबार ११:५८:००
जिल्ला प्रहरी कार्यालय सुर्खेतको हिरासतमा रहेका तीनजना थुनुवा बुधबार राति फरार भएका छन् । राति झ्याल फोडेर उनीहरू फरार भएको प्रहरीले जनाएको छ ।
लागुऔषध कारोबार अभियाेगमा उनीहरू पक्राउ परेका थिए । वीरेन्द्रनगर– ६ का २६ वर्षीय रोशनराज रेग्मी, सोही ठाउँका २० वर्षीय सुनील थारू, वडा ११ मा बस्ने २१ वर्षका सन्देश केसरा फरार भएका हुन् ।
जिल्ला प्रहरी कार्यालय सुर्खेतको पक्की थुनुवा घरको पछाडि भागको झ्याल फोडेर उनीहरू फरार भएको प्रहरी स्रोतले जानकारी दिएको छ ।