- वि.सं २०८१ बैशाख ७ शुक्रबार
संघीय संसद भवनअगाडि धर्ना दिएका करिब दुई दर्जन आन्दोलनकारीलाई प्रहरीले पक्राउ गरेको छ । कृष्ण पहाडीको नेतृत्वमा धर्नामा रहेका मानवअधिकारकर्मीका समूहलाई महानगरीय प्रहरी वृत्त बानेश्वरले पक्राउ गरेको हो ।
आन्दोलनकारीले निषेधित क्षेत्र प्रवेश गर्न खोजेकाले पक्राउ गरिएको महानगरीय प्रहरी वृत्त बानेश्वरका डिएसपी गोविन्द काफ्लेले बताए । उनीहरुले डा.केसीसँगको सहमति कार्यान्वयन, जहाज खरिद भ्रष्टाचारका मूल दोषीहरूलाई कारबाही र मन्त्री रविन्द्र अधिकारीलाई बर्खास्त गर्न माग गर्दै धर्ना दिएका थिए ।
