समाचार
खाद्यान्न भनेर मदिरा ओसार्ने गर्ने दुई पक्राउ
Read Time : < 1 मिनेट
२०७६ चैत १७ सोमबार १४:१६:००
म्याग्दीमा लकडाउनको समयमा अत्यावश्यक वस्तुको नाममा मदिराको कारोबार गर्ने दुईजनालाई प्रहरीले पक्राउ गरेको छ । म्याग्दी प्रहरीले आइतबार ६ कार्टुन मदिरासहित सुनिलकुमार साह र असर परियारलाई पक्राउ गरेको हो ।
बेनीबाट राखुतर्फ मदिरा लैजाने क्रममा उनीहरू पक्राउ परेका हुन् । उनीहरूले ग.२.च ८८६९ नम्बरको जिपमा मदिरा ओसारपसार गरेका थिए ।
खाद्यान्न भन्दै मदिराको कारोबार गरेको खुलेपछि पक्राउ गरिएको म्याग्दीका प्रहरी प्रमुख डिएसपी किरण कुँवरले जानकारी दिए । उनीहरूविरुद्ध संक्रामक रोग ऐन, २०२० अनुसार कारबाही गरिने उनले बताए ।