विश्व

बेलायती प्रधानमन्त्रीलाई कोरोना भाइरसको संक्रमण भएको पुष्टि

बेलायती प्रधानमन्त्री बाेरिस जाेनसाेन कोरोना भाइरसबाट संक्रमित भएका छन् ।

प्रधानमन्त्री जोनसाेनले आफूमा हल्का लक्षण देखिएको र संक्रमणको नतिजा सकारात्मक देखिएपछि डाउनिङ स्ट्रिटमा सेल्फ आइसोलेसनमा बसेको बताएका छन् । 

एक विज्ञप्तिका अनुसार बेलायतका एक मेडिकल अधिकृतको सुझावका आधारमा उनको जाँच गरिएको थियो। सेल्फ आइसोलेसनमा बसे पनि उनले नियमित काम गर्ने बताइएको छ । जोनसनले भाइरस संक्रमणका बारेमा एक भिडियोसमेत ट्वीट गरेका छन् । 

Over the last 24 hours I have developed mild symptoms and tested positive for coronavirus.

I am now self-isolating, but I will continue to lead the government’s response via video-conference as we fight this virus.

Together we will beat this. #StayHomeSaveLives pic.twitter.com/9Te6aFP0Ri

— Boris Johnson #StayHomeSaveLives (@BorisJohnson) March 27, 2020

डाउनिङ स्ट्रीटमै राष्ट्रिय स्वास्थ्य सेवा एनएचएसका कर्मचारीहरूले नै उनको स्वास्थ्य परीक्षण गरेका थिए । बेलायतमा अहिलेसम्म ११ हजारभन्दा बढी संक्रमित भएको पुष्टि भएको छ र ५ सय ७८ को मृत्यु भइसकेको छ ।