कोरोना भाइरस (कोभिड– १९) को संक्रमण फैलिन नदिन सरकारले देशभरि लकडाउन गरेको दोस्रो दिन बुधबार काठमाडौं उपत्यका थप सुनसान बनेको छ । लकडाउनको पहिलो दिन काठमाडौंमा फाटफुट सवारी र पैदल यात्रु देखिएका थिए ।
बुधबार बिहानै लकडाउन उल्लंघन गर्ने तीन सय दुई सवारीसाधनलाई ट्राफिक प्रहरीले नियन्त्रणमा पनि लिएको छ । घरबाट अनावश्यक बाहिर निस्केका सर्वसाधारणलाई सुरक्षाकर्मीले सम्झाइबुझाई गरेर घर फर्काइदिएका छन् ।
अत्यावश्यक सेवा र लकडाउनमा चलाउने अनुमति लिएका सवारी भने सडकमा फाटफुट गुडेका छन् ।