सेयर बजार बन्द गर्ने कि खोल्ने भन्नेबारे अर्थ मन्त्रालयमा बैठक
कोरोना भाइरस संक्रमणको जोखिमबाट बच्न सरकारीस्तरबाट विभिन्न उपाय अपनाइएका वेला सेयरबजार बन्द गर्ने वा खुला गर्ने भन्ने विषयमा अहिले अर्थ मन्त्रालयमा छलफल चलिरहेको छ ।
शनिबार बेलुकासम्म सेयर बजार बन्द गर्नेबारे धितोपत्र बोर्डबाट कुनै जानकारी नआएका कारण सेयरको कारोबार जारी राखेको नेपाल स्टक एक्सचेन्जका सिइओ चन्द्र्रसिंह साउदले बताए ।
उनले नेपाल धितोपत्र बोर्डको नियमावलीअनुसार आइतबार बजार खुला राखेको जानकारी दिए ।
उनका अनुसार आइतबार बिहान नेप्से सञ्चालक समितिको बैठकले सेयर बजार कारोबार गर्ने निर्णय गरेको थियो । बैठक आइतबारको कारोबारको माहोललाई हेरी थप निर्णय लिने निष्कर्षमा पुगेको थियो ।
सोमबार कारोबार नियमित राख्ने वा बन्द गर्ने भन्नेबारे अर्थ मन्त्रालमा जारी बैठकले निर्णय गर्नेछ ।
नेप्सेका सिइओ साउदले अर्थ मन्त्रालयमा हुने निर्णयपछि सेयर कारोबारबारे अन्योल टुंगिने बताए ।
ब्रोकर संघले भने अत्यावश्यक सेवाभित्र सेयर बजार नपरेकाले ब्रोकर कार्यालयबाट कारोबार नगर्ने विज्ञप्ति जारी गरेको थियो । तर, नेप्सेले ब्रोकरलाई कारोबार रोक्न कुनै पनि निर्देशन नदिएको उनले बताएको छ । आइतबार कुल ५० मध्ये सबै सेयर ब्रोकर कार्यालयले सेयर कारोबार गराएका छैनन् । आधाभन्दा केही बढीले मात्र कारोबार गरेको नेप्सेले जनाएको छ ।
यस्तो छ नियमावली