भारतीय गायिका कनिका कपूर कोरोना भाइरसबाट संक्रमित भएकी छिन् । उनले इन्स्टाग्राममा पोस्ट गर्दै आफूलाई भाइरसको संक्रमण भएको बताएकी छन् ।
आफूलाई पछिल्लो चार दिनमा फ्लुको लक्षण देखिएको र परीक्षण गराउँदा भाइरसको संक्रमण भएको कनिकाले उल्लेख गरेकी छन् । कनिका १० दिनअघि लन्डनबाट भारतस्थित आफ्नो घर आएकी थिइन् ।
भारतमा कोरोना भाइरसको संक्रमणबाट शुक्रबार पनि एक व्यक्तिको मृत्यु भएको छ । योसँगै भारतमा मृत्यु हुनेको संख्या पाँच पुगेको छ ।
जयपुरमा इटालीका एक नागरिकको मृत्यु भएको भारतीय स्वास्थ्य अधिकारीले जनाएका छन् । साथै संक्रमितको संख्या लगातार बढिरहेको छ ।
भारतमा दुई सय ६ जनामा संक्रमण देखिएको छ, त्यसमध्ये ३२ जना विदेशी नागरिक हुन् ।
एजेन्सी