- वि.सं २०८१ बैशाख ४ मंगलबार
तरुण दल बझाङका अध्यक्ष विष्णु ऐडी सवार मोटरसाइकल दुर्घटना हुँदा एकको मृत्यु भएको छ । बिहीबार छविस पाथिभेरा गाउँपालिकाको भाँडे बजारबाट श्रीमती र तीन वर्षका छोरासँगै घर जाने क्रममा खोलागाडा भन्ने ठाउँमा मोटरसाइकल दुर्घटना हुँदा उनकी श्रीमती उजला ऐडीको मृत्यु भएको छ ।
छविसपाथिभेरा गाउँपालिकामा पर्ने भाँडेबजारबाट भे.न ६७८१ प नम्बरको मोटरसाइकलमा परिवारसहित घरतर्फ जाने क्रममा खोलागाडा भन्ने ठाउँमा दुर्घटना भएको प्रहरीले जनाएको छ ।
मोटरसाइकल दुर्घटनाबाट उजला ऐडीको मृत्यृ भएको र घाइते अध्यक्ष ऐडी र उनका छोराको अवस्था भने सामान्य रहेको जिल्ला अस्पतालका डाक्टर सन्दीप ओखेडाले बताए । घाइते दुवैको जिल्ला अस्पताल बझाङमा उपचार भइरहेको छ ।
