समाचार
प्रतिनिधिसभा बैठक एक साताका लागि स्थगित
Read Time : < 1 मिनेट
२०७६ चैत ६ बिहीबार १८:३२:००
प्रतिनिधिसभाको बैठक चैत १३ गतेसम्मका लागि स्थगित भएको छ ।
प्रतिनिधिसभाको कार्यव्यवस्था परामर्श समितिले चैत १३ गतेसम्मका लागि बैठक स्थगित गर्ने निर्णय गरेको हो । संघीय संसद्का प्रवक्ता रोजनाथ पाण्डेले भोलिका लागि बोलाइएको बैठक १३ गतेसम्मका लागि स्थगित गरिएको जानकारी दिए ।
प्रतिनिधिसभाको बैठक ६ दिनका लागि स्थगित भए पनि राष्ट्रिय सभाको बैठक भने शुक्रबार दिउँसो १ बजेका लागि बोलाइएको छ ।
यसअघि बुधबार सरकारले २५ जनाभन्दा बढी भेला हुने कार्यक्रम नगर्न निर्देशन दिए पनि राष्ट्रिय सभा बैठक भने बिहीबार पनि १ घन्टाभन्दा बढी समय बसेको थियो ।