स्वास्थ्यमा समस्या भएपछि समाजवादी दलका अध्यक्ष तथा पूर्वप्रधानमन्त्री डा.बाबुराम भट्टराई अस्पताल भर्ना भएका छन् ।
एक्कासि ढाड दुखेपछि बुधबार राति करिब ८ बजे उनलाई बाँसबारीस्थित सहिद गंगालाल हृदय रोग केन्द्रमा भर्ना गरिएको डा.भट्टराईका प्रेस सल्लाहकार विश्वदीप पाण्डेले जानकारी दिएका छन् ।
सल्लाहकार पाण्डेका अनुसार रक्त सञ्चालनमा अवरोध पुगेको आशंकामा सबै परीक्षण गरिएको हो । तर, सबै सामान्य देखिएको छ । डा. भट्टराईलाई आजै डिस्चार्ज गरिने पाण्डेले जानकारी दिए ।