मिर्गौला (किड्नी) हाम्रो शरीरको महत्वपूर्ण अंग हो । यसमा पत्थरी (स्टोन) हुँदा अत्यधिक दुखाइ हुन्छ । मिर्गौलामा पत्थरीको समस्या सबै उमेरसमूहका मानिसमा देखा पर्न सक्छ । ३० देखि ६० वर्षको उमेरसमूहका व्यक्तिमा भने बढी नै देखिन्छ ।
कारण
लक्षण
बच्ने उपाय
किन हुन्छ अत्यधिक दुखाइ ?
- मिर्गौलामा पत्थरी हुँदा ढुंगा गएर पिसाबथैलीसम्म पिसाब जाने बाटो छेकिदिन्छ । जसका कारण पिसाब राम्रोसँग बाहिर आउन पाउँदैन र दुखाइ हुन्छ । यद्यपि, ढुंगा मिर्गौलाको कुनाकाप्चामा भएको वेला भने दुखाइ हँुदैन । तर, ढुंगा मिर्गौलाबाट पिसाब फाल्ने मुखमा पुगेपछि अत्यधिक दुखाइ हुने गर्छ । यो दुखाइलाई ‘सबैभन्दा ठूलो दुखाइ’ मानिन्छ । यस्तो वेला महिलाले बच्चा जन्माउँदाको व्यथाभन्दा पनि बढी दुखाइ हुन्छ । मिर्गौलामा हुने पत्थरीले दैनिक जीवनलाई निकै कठिन बनाउने गर्छ ।
- यदि मिर्गौलाको पत्थरी चार–पाँच एमएमभन्दा सानो छ भने औषधि र पानीको प्रयोगले बगेरै जाने सम्भावना हुन्छ । तर, बगेर जाने पक्का भने हुँदैन । जब त्यही ढुंगा मिर्गौलाबाट बगेर तल आउँछ, तब पिसाब फाल्ने बाटो हुन्छ । सोही बाटो छेकिएपछि दुखाइ हुने गर्छ ।
- हाम्रो रगत फिल्टर गरेर विकारयुक्त पदार्थ बाहिर निकाल्ने काम मिर्गौलाले गर्छ । पत्थरी हुँदा पनि मिर्गौलाले पिसाब बनाउन छोड्दैन । यद्यपि, पिसाबद्वार ढुंगाले छेकेपछि पिसाब बाहिर आउन पाउँदैन र दुख्न थाल्छ । केही पिसाब बाहिर निस्कन्छ भने केही भित्रै हुन्छ । जसले गर्दा इन्फेक्सन भई मिर्गौला सुन्निन जान्छ । मिगौैलालाई समेत पातलो बनाउँदै लैजान्छ । यस्तो अवस्थामा मिर्गौला फेल भएर फाल्नुपर्ने अवस्था पनि आउन सक्छ ।
- मिर्गौलाको पत्थर निकालेपछि पनि त्यो फेरि भित्र रहन्छ भन्ने आमधारणा पाइन्छ । यो गलत हो । तर, जुनसुकै प्रविधिबाट उपचार गरेर पत्थर फालिए पनि आफ्नो जीवनशैलीमा परिवर्तन गरिएन भने फेरि पत्थरी हुन सक्छ । यसप्रति भने सावधान हुन आवश्यक छ ।