असिनापानीले चुट्दा अर्घाखाँचीको शितगङ्गा नगरपालिका १२ रजिया रातमाटाका १० वर्षीय बालक विकास नेपालीको शनिबार राति मृत्यु भएको छ । अर्घाखाँचीका डिएसपी प्रकाश विष्टले असिनापानीको चुटाइबाट उनको मृत्यु भएको बताए । 

नेपाली शनिबार दिउँसो घरबाट हिँडेको र डोहोटेको कुँडुले जङ्गलमा बाटोको कुनामा मृत भेटिएका थिए । बाक्लो असिनाले चुटेरनै बालकको मृत्यु भएको प्रहरीको प्रारम्भिक अनुसन्धानबाट देखिएको छ । प्रहरीले घटनाबारे थप अनुसन्धान भइरहेको जनाएको छ ।