डडेल्धुराको उच्च लेकाली भेगमा शनिबार हिमपात भएको छ । यस वर्ष हिउँद लागेपछि डडेल्धुरामा छैटाैं पटक हिमपात भएको हो । यहाँ बिहीबारदेखि निरन्तर पानी परिरहेको छ ।

शनिबार बिहानदेखि डडेल्धुरा जिल्लाको साहुखर्क, हगुल्टे र मेलखर्कमा निरन्तर हिमपात भइरहेको स्थानीयले बताएका छन् । सुदूर पहाडको प्रवेशद्वार डडेल्धुराको भीमदत्त राजमार्गमा हिमपात भइरहेको प्रहरीले जनाएको छ ।