१६ जिल्लामा निःशुल्क डायलाइसिस सेवा विस्तार गरिने
स्वास्थ्य तथा जनसङ्ख्या मन्त्रालयले मिर्गौला रोगको निःशुल्क उपचार सेवा डायलाइसिस विभिन्न १६ जिल्लामा विस्तार गर्ने भएको छ । डेडलधुरा, डोटी, जुम्ला, प्युठान, अर्घाखाँची, पाल्पा, स्याजा, इलाम, पाँचथर, दोलखा, रामेछाप, सिराहा, सर्लाही, महोत्तरी, रौतहट, कञ्चनपुरमा मिर्गौलाको निःशुल्क उपचार सेवा विस्तार गरिन लागिएकाे हाे ।
मन्त्रालयले मिर्गौला रोगका बिरामीलाई उपचारका लागि चार हजार रूपैयाँ, प्रत्यारोपणका लागि चार लाख रूपैयाँ, प्रत्यारोपण पश्चात औषधि सेवानका लागि एक लाख रूपैयाँ दिँदै अाएकाे छ । हाल सातवटै प्रदेशमा चार हजार ५०० बिरामीले मिर्गौला उपचार सेवा लिइराखेका छन् ।
प्रतिनिधिसभा, शिक्षा तथा स्वास्थ्य समितिको आजको बैठकमा स्वास्थ्य तथा जनसङ्ख्या राज्यमन्त्री डा सुरेन्द्र यादवले सो जानकारी दिँदै मिर्गौला रोगको उपचार सेवाका लागि आर्थिक अभाव रहेको जानकारी गराए ।