भियतनाममा कोरोना भाइरसबाट संक्रमित सबै निको भएका छन् । ७३ वर्षीय एक वृद्धसहित १६ जना संक्रमित निको भएर अस्पतालबाट डिस्चार्ज भएको भियतनामका अधिकारीले बताएका छन् ।
गएको १५ दिन भित्रमा कुनै पनि नयाँ संक्रमित देखिएको छैन् । फेब्रुअरी १३ देखि अहिलेसम्म कसैमा पनि संक्रमण नदेखिएको बताइएको छ । तर हनोईको उत्तरी गाउँ भने २० दिनदेखि बन्द गरिएको छ ।
भियतनामले कोरोना भाइरसविरुद्धको पहिलो चरणको युद्ध जितेको त्यहाँका स्वास्थ्य मन्त्री भु डक डमले बताएका छन् । भियतनाममा जनवरी १७ मा पहिलोपटक भाइरसको संक्रमण देखिएको थियो । विश्वव्यापी रुपमा महामारीबाट ३ हजारको मृत्यु भइसकेको छ भने ८० हजारभन्दा बढी संक्रमित छन् ।