ललितपुरमा वार्षिक कफीको माग २५ टन रहे पनि उत्पादन भने १० टन मात्रै हुने गरेको छ । उत्पादन भएको १० टनमध्ये पनि दुई टन काठमाडौंमा खपत हुने गरेको कफी सहकारी संघ ललितपुरका अध्यक्ष शशिवन्दन  घिमिरेले बताए । ललितपुरका लागि आवश्यक बाँकि कफी जर्मनी, नेदरल्यान्डलगायत मुलुकबाट आयात हुने गरेको छ । 

संघका अनुसार ललितपुरमा ११ वर्षअघि वार्षिक ६५ टनसम्म कफी उत्पादन हुन्थ्यो । अहिले बजार भए पनि माग पूरा हुन नसकेको घिमिरे बताउँछन् । विगतमा कफीबाट ललितपुरवासीले दुई करोड पचास लाखसम्म आम्दानी गर्थे । तर, अहिले ८० लाखसम्म आम्दानी गर्ने गरेको संघले भनाइ छ । 

ललितपुरको ठूला दुर्लुङ, आश्राङ, गिम्दी, प्युटार, चन्दनपुरमा कफीको उत्पादन हुँदै आएको छ । बसाइँसराइ र सिन्दूरे, गवारोजस्ता रोगले गर्दा कफीको उत्पादन घट्दै गएको संघका अध्यक्ष घिमिरेले बताए ।