टी–२० मा सन्दीपको सय विकेट

Read Time : < 1 मिनेट

प्रकाश कँडेल, काठमाडाैं

२०७६ फाल्गुण १८ आइतबार ०६:१४:००

लेग स्पिनर सन्दीप लामिछाने टी–२० अन्तर्राष्ट्रिय क्रिकेटमा सय विकेट पूरा गर्ने पहिलो नेपाली क्रिकेटर बनेका छन् । मलेसियाविरुद्धको एसिसी इस्टर्न रिजन टी–२० मा शनिबार तीन विकेट लिँदै उनले कीर्तिमान बनाएका हुन् ।

सन् २०१८ को आइपिएलयता उनले बटुलेको विकेट संख्या एक सय दुई पुगेको छ । आइसिसीले मान्यता दिएका टेस्ट राष्ट्रका अन्तर्राष्ट्रिय टी–२० फ्रेन्चाइज र नेपाली राष्ट्रिय टिमबाट गरेका प्रतिस्पर्धामा उनले सय विकेट कटाएका हुन् ।

पहिलोपटक २०१८ को आइपिएलमा तीन खेल खेल्दा सन्दीपले पाँच विकेट लिएका थिए । तत्कालीन दिल्ली डेयरडेभिल्सबाट खेल्ने मौका पाएका उनले रोयल च्यालेन्जर्स बैंगलोरका पार्थिव पटेललाई तेस्रो ओभरको चौथो बलमा एलबी डब्लुको सिकार बनाएर करिअरको पहिलो विकेट लिएका थिए । उनले शनिबार मलेसियाका ओपनर भिरनदिप सिंहलाई तेस्रो ओभरको दोस्रो बलमा आउट गर्दै टी–२० करिअरमा सय विकेट पूरा गरे ।

कुन प्रतियोगितामा कति विकेट ?