- वि.सं २०८१ बैशाख ८ शनिबार
च्याम्पियन्स लिगमा आजबाट अन्तिम १६ का खेलहरु हुँदै छन् । जसअन्तर्गत आज राति एकै समयमा दुई खेल हुँदै छन् । राति पौने दुई बजे हुने खेलमा इंग्लिस प्रिमियर लिगको शीर्ष स्थानमा रहेको लिभरपुलले ला लिगाको चौथो स्थानमा रहेको एट्लेटिको म्याड्रिडसँग खेल्दै छ ।
ग्रुप ई को विजेत बनेर अन्तिम १६ मा स्थान बनाएको लिभरपुलले समूह चरणका ६ खेलमा चार जित, एक बराबरी र एक हार बेहोरेको थियो । त्यस्तै म्याड्रिडले ३ जित, दुई हार र एक बराबरी गरी समूह डी काे उपविजेता भएर अन्तिम १६ मा स्थान बनाएको थियो ।
आजै राति हुने अर्को खेलमा जर्मन क्लब बोरुसिया डर्टमन्ड र फ्रेन्च क्लब पिएसजी आमनेसामने हुने भएका छन् । बुन्डेस लिगाको तेस्रो स्थानमा रहेको डर्टमन्ड च्याम्पिन्यस लिगको समूह चरणमा तीन जित, एक बराबरी र दुई हार बेहोरेर दोस्रो भएको थियो । त्यस्तै फ्रेन्च लिगको शीर्ष स्थानमा रहेको पिएसजीले समूह चरणमा ५ खेलमा जित र एक बराबरी खेले समूह विजेता भएको थियो ।
एट्लेटिकाे र लिभरपुलबीचकाे खेल एट्लेटिकाेकाे घरेलु मैदानमा हुनेछ भने पिएसजी र डर्टमन्डबीचकाे खेल डर्टमन्डकाे मैदानमा हुनेछ ।
