सिटिजन्स बैंक इन्टरनेसनल लिमिटेड र इ–सेवा मनी ट्रान्सफर प्रालिबीच विप्रेषण रकम भुक्तानीसम्बन्धी सहकार्य भएको छ । सहकार्यसँगै इ–सेवा मनी ट्रान्सफरमार्फत विदेशबाट पठाएको रकम सिटिजन्स बैंकका नेपालभरका सबै शाखामार्फत भुक्तानी लिन सकिने बताइएको छ ।
हाल बैंकले देशभर ८९ शाखा, ९० एटिएम र १०३ शाखारहित बैंकिङ एकाइमार्फत वित्तीय सेवा दिँदै आएको छ । घरबाटै वित्तीय सुविधा उपभोग गर्न मिल्ने विभिन्न प्रविधिमैत्री योजनासमेत सञ्चालनमा ल्याएको बैंकले भिजा डेबिट वा क्रेडिट कार्ड प्रयोग गरी नेपालभित्रको कुनै पनि पिओएस मेसिनमार्फत सामान वा सुविधा खरिद गर्दा २० प्रतिशतसम्म क्यास ब्याक (नगद फिर्ता)योजनासमेत सञ्चालन गरेकोे छ ।