कांग्रेस रुपन्देहीका नेता एवं राष्ट्रियसभा सदस्य दुर्गाप्रसाद उपाध्यायको निधन भएको छ । उपाध्यायको रुपन्देहीस्थित निवासमा निधन भएको कांग्रेस जिल्ला सभापति अब्दुल रज्जाकले जानकारी दिए । उपाध्याय लामो समयदेखि क्यान्सर रोगबाट पीडित थिए ।
उपाध्यायको निधनले आफू स्तब्ध र मर्माहत भएको बताउँदै नेता डा.शेखर कोइरालालले देशले नैतिकवान प्रजातान्त्रिक योद्धा र पार्टीले निष्ठावान नेता गुमाएको बताए । अर्का नेता नवीन्द्रराज जोशीले उपाध्यायको निधनबाट देशले सांसद् मात्र हैन कुशल जनसेवक र पार्टीले एक होनाहार नेता संगठक गुमाएको बताए ।