समृद्धि र टाइम्सले पाँचौँ यू–१८ राष्ट्रिय पुरुष बास्केटबल प्रतियोगितामा बिहीबार जित निकालेका छन् । राष्ट्रिय खेलकुद परिषद् (राखेप)को कभर्डहलमा समृद्धिले एलआरआईलाई ६३–५४ ले पराजित गर्यो । समृद्धिका खड्का गुरुङले २१ स्कोर योगदान गरेका थिए ।
टाइम्सले गोल्डेन गेटलाई ८१–६९ ले हरायो । टाइम्सका पेम्बा शेर्पाले २६ स्कोर गरे । प्रतियोगिताको राखेपका सदस्य–सचिव रमेशकुमार सिलवालले एक कार्यक्रमबीच उद्घाटन गरे । सो अवसरमा आयोजक नेपाल बास्केटबल संघले १३औँ दक्षिण एसियाली खेलकुद (साग)मा महत्वपूर्ण योगदान पुर्याएबापत सदस्य–सचिव सिलवाललाई सम्मानपत्रबाट सम्मान गरेको थियो । ७ फागुनसम्म चल्ने प्रतियोगितामा १२ टोली सहभागी छन् ।