नबिल बैैंक लिमिटेडको चालू आवको दोस्रो त्रैमासिकमा नाफा गत आवको सोही अवधिको तुलनामा घटेको छ ।
बैंकको गत आवको सोही अवधिको तुलनामा खुद ब्याज आम्दानी र संचालन नाफा घटेपछि नाफा घट्न पुगेको हो । बैंकको नाफा ६ प्रतिशत घटेर २ अर्ब ४ करोडमा सिमित भएको छ । बैंकले गत आवको दोस्रो त्रैमासमा २ अर्ब १७ करोड नाफा कमाएको थियो । सोही अवधिमा कम्पनीको वितरणयोग्य नाफा १ अर्ब ४५ करोड पुगको छ ।
गत आवमा ३ अर्व ६१ करोड १३ लाख रहेको बैंकको खुद व्याज आम्दानी चालू आवमा ३ अर्व ४५ करोड १६ लाखमा सिमित भएको छ । त्यसैगरी बैंकको संचालन नाफा ३ अर्व ८ करोड ३६ लाखबाट घटेर २ अर्व ९० करोड ९३ लाखमा सिमित भएको छ ।
गत आवको नाफाबाट १२ प्रतिशत वोनस र २२ प्रतिशत नगद सेयर वितरण गरेको बैंकको चुक्तापूँजी १० अर्ब ९ करोड छ । बैंकले १ खर्ब ६४ अर्ब निक्षेप संकलन गरेको छ भने १ खर्ब ४१ अर्ब कर्जा प्रवाह गरेको छ ।
बैंकको निष्कृय कर्जा शून्य दशमलव ६२ प्रतिशतबाट बढेर शून्य दशमलव ७५ प्रतिशत पुगेको छ । बैंकको प्रतिसेयर आम्दानी घटेर ४५ दशमलव ३२ रुपैयामा आएको छ ।