त्रिभुवन अन्तर्राष्ट्रिय विमानस्थलको टर्मिनल भवनमा भएको आगालागी नियन्त्रणमा आएको छ । विमानस्थलमा लागेको आगो केही समयमा नै नियन्त्रणमा आएको महानगरीय प्रहरी कार्यालयका प्रमुख डिआइजी विश्वराज पोखरेलले जानकारी दिए ।
विमानस्थलको अन्तर्राष्ट्रिय टर्मिनलतर्फको प्रतिक्षालय कक्षमा सोमबार राति ९ बजे आगालागी भएको थियो । विमानस्थल सुरक्षा कार्यालयका निमित्त प्रमुख एसएसपी राम कृपाल साहका अनुसार आगोलागी विद्युत सर्ट भएर हुन सक्ने अनुमान गरिएको छ ।
आगालागीका कारण विमानस्थलको उडान केहीबेर रोकिएको थियो । आगो अन्तर्राष्ट्रिय उडान कक्षको एक तल्लामाथि विमान चड्नु पूर्व यात्रु बस्ने कक्षमा लागिएको हो । घटनामा कुनै मानवीय क्षति भएकाे छैन ।