अख्तियार दुरुपयोग अनुसन्धान आयोगले १ सय ७५ जना विरुद्ध चलाएको मुद्दाप्रति आपत्ति जनाउँदै साझा पार्टीले धर्ना कार्यक्रम गरेको छ । शुक्रबार अख्तियारको कार्यालय रहेको टंगालचोकमा अख्तियारविरुद्ध साझा पार्टीले धर्ना गरेको हो ।
केन्द्रिय सदस्य प्रकाशचन्द्र परियार र समिक्षा बास्कोटाको नेतृत्वमा चारवटा समूह बनाएर धर्ना कार्यक्रम गरेका छन् । ललिता निवासको जग्गा प्रकरणमा अख्तियारको कदम ठिक भएको तर, मुद्दा चलाउँदा कसैलाई काखा र कसैलाई पाखा गरेको उनीहरुको आरोप छ । अख्तियारको अन्यायपूर्ण कमदको विरुद्ध आफूहरुले धर्ना दिनुपरेको प्रकाशचन्द्र परियारले जानकारी दिए ।
साझा पार्टीको धर्नालाई मध्यनजर गर्दै टंगाल क्षेत्रमा ठूलो संख्यामा प्रहरी परिचालन गरिएको छ ।