सञ्चार तथा सूचना प्रविधिमन्त्री गोकुल बाँस्कोटाले कार्यालयमा राजनीति नगर्न नेपाल टेलिकमका कर्मचारीलाई निर्देशन दिएका छन् ।
टेलिकमको १६ औं वार्षिकोत्सव समारोहमा मन्त्री बाँस्कोटाले टेलिकमलाई सरकारले आफ्ना छोराछोरीलाई जत्तिकै माया गरेको समेत बताए ।
‘विकट पहाड पुगेर टावर ठढ्याउने इन्जिनियर र टेक्निसियनलाई धन्यवाद छ, बधाई छ,’ बास्कोटाले भने, ‘यहाँ राजनीति नगर्नूस् राजनीति गर्ने भए पार्टी कार्यालय जानूस् ।’
उनले टेलिकम एक फूलबारी भएकाले यसको गोडमेल आवश्यक भएको बताए ।
कम्पनीलाई माया गरेपछि सबै कर्मचारीको तलब सुविधा बढ्ने भएकाले कामप्रति बफादार हुन उनले आग्रह गरे ।
कम्पनीको जन्मदिनको अवसरमा नाचगान गर्न उनले आग्रह गरेका छन् ।