गृहसचिव महेश्वर न्यौपानेले बुधबार गृह मन्त्रालयमा पदभार ग्रहण गरेका छन् ।
प्रेमकुमार राईको अवकासपछि रिक्त रहेको गृहसचिव पदमा सोमबार बसेको मन्त्रीपरिषदको बैठकले अख्तियार दुरुपयोग अनुसन्धान आयोगमा कार्यरत सचिव न्यौपानेलाई सरुवा गरेको थियो ।
पदभार ग्रहण गर्दै सचिव न्यौपानेले गलत कामगर्ने जो कोहीलाई कानुनी दायरामा ल्याइने बताए । साथै, नयाँ जिम्मेवारी सफल बनाउन सवैको साथ र सहयोगको अपेक्षा गरेको बताए ।