धेरैसँग बाल्यकालमा लुकामारी खेलेको अनुभव हुन्छ । यो खेल निकै रमाइलो हुन्छ र संसारभर लोकप्रिय छ । खासमा यो खेलले बालबालिकालाई शारीरिक अभ्यास गराउने मात्र होइन, नयाँ कुरा पनि सिकाउँछ । बालबालिकालाई यो खेलमा यति धेरै मज्जा हुन्छ कि तपाईं आफ्नो बच्चासँग कहिलेकाहीँ घन्टौँ लुकामारी खेल्न सक्नुहुन्छ ।
एक सिद्धान्तअनुसार यदि कुनै चिज बच्चाको नजरबाट केही समय गायब भएर फर्कियोे भने उनीहरू अचम्मित हुन्छन् । स्विस डेभलपमेन्ट साइकोलोजिस्ट जिन पिओजेले यस सिद्धान्तलाई ‘अब्जेक्ट पर्मानेन्स’ भनेका छन् र उनका अनुसार बच्चाले आफ्नो जीवनको दुई वर्ष यस्ता कुरा सम्झन खर्चेका हुन्छन् । जब हामी ठूलो हुन्छौँ तब कुन आवाज कहाँबाट आयो भनेर पत्ता लगाउन सक्छौँ । किनकि, यो हामीले बाल्यकालदेखि नै सिकेका हुन्छौँ ।