आफ्नै घोडाले घिसार्दा युवकको ज्यान गयो
घोडा चढेर दिदीको घर जाँदै गरेका एक युवकलाई आफू चढेको घोडाले घिसार्दा मृत्यु भएको छ ।
रुकुम पूर्व भुमे गाउँपालिका ४ काँडाका २० बर्षिय नविन बिकको घोडाले घिसार्दा ज्यान गएको हो । आईतबार दिउँसो काँडास्थित आफ्नो घरबाट घोडा चढि दिदीको घर साकिम जाँदै गरेका बुढा घोडामै बाँधेको डोरीमा अल्झिएका थिए । घोडा धेरै दौडिएको र त्यसपछि घोडाबाट झर्न खोज्दा उनको खुट्टा डोरीमा अल्झिएको हुन सक्ने अनुमान स्थानीयले गरेका छन् ।
डोरीमा खुट्टा अल्झिएपछि झुण्डिएका बुढालाई झण्डै एक घण्टा जमिनमा घिसार्दै घोडा दौडि राखेको जिल्ला प्रहरी कार्यालय रुकुम पूर्वले जनाएको छ । धेरै बेर घोडाले लतारेका कारण उनको मृत्यु भएको प्रहरीको भनाई छ । घोडाले लतारिरहेको अवस्थामा स्थानीयले उद्धार गरे पनि त्यतिबेलासम्म उनको मृत्यु भईसकेको प्रहरीले जनाएको छ । घटनाबारे प्रहरीलाई स्थानीयले जानकारी गराएका थिए ।