यी हुन् ‘कोरोनाभाइरस’ संक्रमणका लक्षण
‘कोरोनाभाइरस’ नाम दिइएको रहस्यमयी रोगका कारण चीनमा अहिलेसम्म ६ जनाको मृत्यु भएको छ । सो रोगबाट प्रभावितहरूको सङ्ख्या २९१ पुगेको छ। चिनियाँ राष्ट्रिय स्वास्थ्य आयोगले ‘कोरोनाभाइरस’ को संक्रमण भएपछि निम्न लक्षण हुने बताएको छ ।
- सुरूमा ज्वरो आउने तथा खोकी लाग्ने,
- सास फेर्न गाह्रो हुने,
- टाउको, जीउ दुख्ने,
- साधारण चिसो, फ्लु वा न्यूमोनिया हुनसक्ने,
विश्व स्वास्थ्य सङ्गठन (डब्लुएचओ) ले पछिल्लो समय देखा परेको याे रोगको उत्पत्ति श्वासनलीमा आक्रमण गर्ने ‘कोरोना’ वर्गको अपरिचित भाइरसबाट भएकोले बिरामीले खोक्दा, हाच्छ्युँ गर्दा र सास फेर्दा निस्किने जीवाणु स्वस्थ मानिसको नाक, मुख र आँखाको सम्पर्कमा आएर सरेको हुनसक्ने अनुमान गरेका छन् । र यससम्बन्धी छलफल गर्न डब्लुएचओले आज छलफल गर्दै छ । डब्लुएचओले काेराेना संक्रमण फैलिनसक्ने माध्यम हावा र पानीसमेत भएकोले यसबाट सावधानी अपनाउन भनिएको छ ।