लालीगुराँसलाई उपाधि
२४औँ सिर्जना कपअन्तर्गत पुरुषतर्फको उपाधि लालीगुराँस युवा क्लब तल्लो चिप्लाले जितेको छ । फाइनल खेलमा आयोजक सिर्जना युवा क्लब ठुलीबेसीलाई टाइब्रेकरमा ४–३ गोलले पराजित गर्दै लालीगुराँसले उपाधि जितेको हो ।
उपाधिसहित लालीगुराँसले ७० हजार प्राप्त गर्यो । उपविजेतामा सीमित आयोजक सिर्जना युवा क्लबले ४० हजारमा चित्त बुझायो । महिलातर्फको उपाधि लमजुङ एकेडेमी गल्स फुटबल टोलीले जितेको छ ।
लमजुङ एकेडेमीलाई पनि उपाधिका लागि टाइब्रेकरकै सहायता लिन पर्यो । लमजुङ एकेडेमीले फाइनल खेलमा शान्तिदीप युवाक्लब दिङदिङलाई ट्राइब्रेकरमा ४–३ गोलले पराजित गर्यो ।
लमजुङ एकेडेमीले उपाधिसँगै १५ हजार र शान्तिदीपले आठ हजार प्राप्त गरे । स्थानीय सिर्जना युवा क्लबले आफ्नो २४औँ वार्षिकोत्सवको अवसरमा प्रतियोगिताको आयोजना गरेको हो ।