Skip This
सिरहाको सिमाक्षेत्रमा नेपाल–भारतका स्थानीय र सरकारी पदाधिकारीहरुको संयुक्त मानव साङलो प्रर्दशन गरेका छन् । लागुऔष, मदिरा सेवन विरुद्ध तथा बालविवाह र दाईजो प्रथा विरुद्ध मानवसाङलो प्रदर्शन गरिएको हो । त्यसैगरी पर्यावरणको सुरक्षाको सन्देश समेत दिनका लागि नेपाल भारतका सरकारी अधिकारी र दुवैतर्फका स्थानीयले मानव साङलो प्रर्दशन गरेका हुन ।
सिरहाको खैरटोका नजिकैको सिमास्तम्भ (पिलर नम्बर ३४) को दशजगा क्षेत्रमा भारतको सिमावर्ती जनयनगर प्रखण्ड (प्रशासन)को आयोजनामा मानव साङलोको आयोजना गरिएको नेपाल भारत मैत्री संघका अध्यक्ष सन्तोष अग्रवालले बताए ।
मानव साङलोमा भारतको जयनगर प्रखण्डका एसडिओ शंकरशरण ओमी, विहार पुलिसका डिएसपी सुमित कुमार, बेला ग्राम पञ्चायतका मुखिया मदन हजरा लगायत सहभागिता जनाएका थिए ।
नेपाली पक्षवाट सिरहा नगरपालिका वडा नम्बर १७ का वडा अध्यक्ष महेन्द्र यादव, नेपाल प्रहरीका निरिक्षक बेचन यादव, सशस्त्र प्रहरी निरिक्षक शंकर दाहाल, अधिकारकर्मी र स्थानीयको सहभागिता रहेको दीप फाउन्डेशनमा सचिव दीपेन्द्र यादवले बताए ।
लागुऔषधमा बिक्री वितरण रोक्न आग्रह
मानव साङलो पश्चात दुवैतर्फका प्रशासन र अधिकारकर्मीवीच छलफल पनि भएको सचिव यादवले बताए । सिरहाको सिमावर्ती भारतीय भूमिमा निर्वाध रुपमा विक्री वितरण भैरहेको लागुऔषधमा नियन्त्रणमा रोक्न भारतीय अधिकारीहरुलाई नेपाली पक्षले आग्रह गरेको उनले बताए ।
एसडिओ ओमी, डिएसपी कुमारलाई सिरहा अधिकारकर्मी देवकुमारी महरा, दिव्या यादव, दिपेन्द्र यादव, पत्रकार बद्री नरायण यादव लगायतले सिमावर्ती क्षेत्रमा अवैध रुपमा भैरहेको लागुऔषधको व्यापारलाई रोक्न आग्रह गरे ।
मानव साङलोमा सहभागिता जनाएकोमा धन्यवाद दिदै एसडिएम ओमीले सिरहा जिल्लाको भारतीय सिमाक्षेत्रमा अवैध लागुऔषधको कारोबारलाई रोक्न प्रहरी प्रशासन खटाउने प्रतिबद्धता जनाए । उनले भने ‘नेपाली पक्षवाट पनि हामीलाई सहयोग चाहिन्छ । हामी लागुऔषधको कारोबारलाई ध्वस्त बनाउन तयार छौं ।’
