सञ्चारकर्मी रवि लामिछानेसहित तीन आरोपीले आत्महत्या दुरुत्साहन मुद्दामा सफाइ पाएका छन् । चितवन जिल्ला अदालतले आइतबार लामिछानेसहित सबै आरोपीलाई सफाइ दिएको हो ।
लामिछानेसहित युवराज कँडेल र अस्मिता कार्कीमाथि चितवन जिल्ला अदालतमा पत्रकार शालिकराम पुडासैनीको आत्महत्या दुरुत्साहन अभियोगमा मुद्दा दर्ता थियो । न्यायाधीश हेमन्त रावलको इजलासले आरोपीलाई सफाइ दिने फैसला गरेको अदालतका रजिस्ट्रार रुद्रमणि गिरीले जानकारी दिए ।
यसअघि गत ८ भदौमा जिल्ला सरकारी वकिलको कार्यालयले पाँच वर्षसम्म कैद र ५० हजार रुपैयाँ जरिवाना माग गरी उनीहरूविरुद्ध जिल्ला अदालतमा मुद्दा दायर गरेको थियो ।