भारतको मुम्बईमा जारी एसिया कप कराते च्याम्पियनसिपमा नेपालले चार पदक हात पारेको छ ।
च्याम्पियनसिपमा सहभागी रौतहटका खेलाडीहरूले चार पदक हात पारेका हुन् । महिला ४५ किलो तौल समूहमा बिबिका श्रेष्ठले स्वर्ण पदक हात पारेकी छिन् । उनले कातामा भने श्रीलंकाका खेलाडीसँग पराजित हुँदै रजतमा चित्त बुझाउनु परेको छ ।
यस्तै पुरुष ५० किलो तौल समूहमा कुशल बस्नेतले रजत पदक जितेका छन् । उनी फाइनलमा श्रीलंकाका खेलाडीसँग पराजित भएका हुन् । कातामा भने बस्नेतले कास्य पदक प्राप्त गरेको नेपालबाट सो प्रतियोगितामा सहभागी अन्तर्राष्ट्रिय निर्णायक सुरेन्द्र श्रेष्ठले जानकारी दिए ।