विश्व
आँधीले तीन हजार विस्थापित
Read Time : < 1 मिनेट
२०७६ माघ ५ आइतबार १०:०१:००
फिजीमा आएको सामुद्रिक आँधीका कारण कम्तीमा तीन हजार विस्थापित भएका छन् । ‘तिनो’ नामक शक्तिशाली आँधीका कारण दुईजना बेपत्ता छन् ।
शनिबार तीन चरणमा आँधी आएका फिजीको मौसम विज्ञान विभागले जनाएको छ । आँधीले घर, खेतीपातीसँगैै भौतिक संरचनामा क्षति पुर्याएको छ ।
फिजीको राष्ट्रिय प्रकोप व्यवस्थापन कार्यालयले विस्थापितका लागि तत्काल तीन हजार एक सय १५ अस्थायी शिविरको आवश्यकता रहेको जनाएको छ ।
‘विस्थापितमध्ये अधिकांशलाई अस्थायी शिविरको आवश्यकता पर्छ, किनकि अहिले अत्यधिक वर्षा भइरहेको छ, थप खतराको चेतावनी पनि दिइएको छ’ कार्यालयका एक कर्मचारीले बताए ।