अजय देवगनको १००औँ फिल्म ‘तान्हाजी: द अनसङ वारियर’ले सय करोड पार गरेको छ । यो फिल्मले उत्कृष्ट सुरुआत गरेको थियो । पहिलो दिन गत शुक्रबार १४ करोड ५० लाख भारतीय रुपैयाँ कमाएको ‘तान्हाजी’ले दोस्रो दिन गत शनिबार झन् बढाएर १९ करोड ७५ लाख कलेक्सन गरेको थियो ।
बक्स अफिस इन्डियाका अनुसार, यसले पहिलो सप्ताहमा एक सय १६ करोड भारतीय रुपैयाँ कमाएको छ । यसमा अजयसँगै काजोल, सैफ अलि खान, शरद केल्कर र नेहा शर्माको अभियन रहेको छ । यसलाई ओम रावतले निर्देशन गरेका हुन् ।