सल्यानमा मंगलबार तीन जिल्लाका सुरक्षा समितिको संयुक्त बैठक भएको छ । अन्तर जिल्ला सुरक्षा समितीको बैठकमा सल्यान, दाङ र बाँके जिल्लाका सुरक्षा समितीका पदाधिकारी सहभागी थिए ।
शान्ति सुरक्षालाई प्रभावकारी बनाउन समन्वय र सुचना आदान प्रदानको विषयमा छलफल भएको सल्यानका प्रमुख जिल्ला अधिकारी चुडाराज न्यौपानेले बताए ।
उनले लागूऔषध नियन्त्रण, अवैध हातहतियार र विप्लव समूहका गतिविधि नियन्त्रणका बारेमा छलफल भएको जानकारी दिए ।
बैठकमा तीन जिल्लाका प्रमुख जिल्ला अधिकारी, सेना, प्रहरी, सशस्त्र प्रहरी र राष्ट्रिय अनुसन्धानका प्रमुख सहभागी थिए ।
बैठकमा चारवटै सुरक्षा अंगका प्रमुखको बैठकले आवश्यक समन्वय गरेर कानुन विपरितका गतीविधिहरु हुन नदिने र नागरिकलाई शान्ति सुरक्षाको प्रत्याभुति दिलाउने निर्णय भएको जनाइएको छ ।