दोलखाको पर्यटकीय गन्तव्यको रुपमा परिचित शैलुङमा हिउँ परेपछि आन्तरिक तथा बाह्य पर्यटकको भीड लागेको छ । सयौं थुम्काहरुले सजिएको शैलुङमा हिउँ परेपछि धुम्न जानेहरुको भीड लागेको हो ।
सामुन्द्रिक सतहबाट ३ हजार ४ सय उचाईमा रहेको शैलुङमा चण्डी पुर्णीमा, बाला चतुर्दशी र जनै पुर्णिमाको दिन मेला लाग्ने गरेको छ ।
राजधानी काठमाडौंबाट दोलखा सदरमुकाम चरिकोट हुँदै सिधै शैलुङसम्म पुग्न सकिन्छ । त्यस्तै सिन्धुपाल्चोकको मुडे बजारबाट पनि तीन घण्टाको सवारी यात्रा र थोरै पैदलपछि शैलुङ पुग्न सकिन्छ ।