मुख्य समाचारसमाचारदृष्टिकोणअर्थअन्तर्वार्तामल्टिमिडियानयाँCityखेलकुदविश्वकोरोना अपडेटप्रवासब्लगकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीसाहित्यराजनीतिशिक्षाब्लाे अपपर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधिप्रदेशटर्निङ प्वाइन्ट्स-२०२०
  • वि.सं २०७७ जेठ १२ सोमबार
  • Monday, 25 May, 2020
मोहन बिष्ट कञ्चनपुर
२०७६ पौष २३ बुधबार २२:४८:००
समाचार

निर्मलाका वास्तविक हत्यारा यथाशीघ्र सार्वजनिक गर्न माग

मोहन बिष्ट कञ्चनपुर
२०७६ पौष २३ बुधबार २२:४८:००

अन्तरपार्टी महिला सञ्जाल कञ्चनपुरले निर्मला पन्तका वास्तविक हत्यारा यथाशीघ्र सार्वजनिक गर्न माग गरेको छ ।

बुधबार अन्तरपार्टी महिला सञ्जाल कञ्चनपुरको महेन्द्रनगरमा बसेको बैठकले निर्मलाका हत्यारालाई यथाशीघ्र सार्वजनिक गर्न माग गरेको हो । सञ्जाल कञ्चनपुरकी अध्यक्ष सितादेवी नागरीको अध्यक्षतामा बसेको बैठकले निर्मलाका वास्तविक हत्यारालाई सार्वजनिक गरेर कारबाहीको माग गर्ने निर्णय गरेको हो ।

निर्मला मृत फेला परेकै दिनदेखि वास्तविक हत्यारा सार्वजनिकको माग राख्दै आन्दोलनमा उत्रिएकी कांग्रेस नेतृसमेत रहेकी अधिकारकर्मी सन्तोषी ऐरी (साउद)ले वास्तविक हत्यारालाई मात्रै सार्वजनिक गर्नुपर्ने बताइन् । सञ्जालकी सदस्यसमेत रहेकी सन्तोषीले सरकारले निर्मलाका वास्तविक हत्यारा सार्वजनिक गर्न नसकेको भन्दै दुःख व्यक्त गरिन् ।

सञ्जाल सदस्य एवं अधिकारकर्मी नारु सिंहले हत्या भएको लामो समयसम्म पनि निर्मलाका हत्यारा सार्वजनिक नभएपछि केही व्यक्ति अनावश्यक अफवाह फैलाएर व्यक्तिगत लाभमा लागेको बताइन् । निर्मलाका हत्यारा यथाशीघ्र सार्वजनिक गर्नुपर्ने भन्दै उनले निर्मलाका हत्यारा सार्वजनिक नहुँदा थप घटना भइरहेको बताइन् ।

सञ्जालले कञ्चनपुरमा पछिल्ला दिनहरूमा हिंसा, बलात्कार तथा यौनजन्य गतिविधि बढेको भन्दै महिला हिंसाका घटना रोकथामका विषयमा छलफल गरेको थियो । निर्मलाको बलात्कारपछि हत्या भएको १७ महिना बितिसक्दा पनि वास्तविक हत्यारा अझै सार्वजनिक गरिएको छैन ।

निर्मलाकी आमा दुर्गादेवी पन्तले गत मंसिरमै दिलिप बिष्टविरुद्ध किटानी जाहेरी दिए पनि प्रहरीले चासो नदिएको भन्दै कञ्चनपुरका प्रमुख जिल्ला अधिकारीसमक्ष गुनासो गरेकी थिइन् । कञ्चनपुरका प्रहरी प्रवक्ता रवीन्द्र पौडेलले प्रहरीले निर्मला हत्याकाण्डको सुक्ष्म र गम्भीर ढंगबाट अनुसन्धान गरिरहेको बताए ।